Aitor Ramos, tributo á muller e a moda galega

Aitor Ramos Soto é un mozo da comarca de Valdeorras que vén de rodar a curtametraxe "Escarnio e Maldicir", un traballo que transmite a inspiración e as sensacións da pequena colección cápsula da deseñadora Olaya de los Palos para unha das materias do grado de Deseño da Mestre Mateo e está inspirada principalmente no traxe tradicional galego. A boa acollida fixo que xa colleitara varios recoñecementos, o último a selección polo Festival Fashion Films de Londres que ten lugar esta fin de semana e no que pode optar a ser un dos tres nominados e gañar na categoría a Mellor Fashion Film feito por un estudante.