O Auditorio Municipal de Ourense continúa estes días coa oferta cultural adicada ós máis cativos da casa
Cada semana son múltiples as citas infantís que acolle o Auditorio Municipal de Ourense, se ben hai uns días o encontro era máis especial aínda xa que o protagonista era o Ballet de Cámara Nacional de Ucrania, todo un referente nesta modalidade artística que citou a numerosos nenos e nenas no recinto municipal. Presentaron o seu espectáculo titulado "La magia de los cuentos", onde se recrearon diversos personaxes dos contos clásicos de tódolos tempos.
Tratouse dunha obra inspirada na literatura infantil e en compositores universais, como Chaikovsky. O Ballet de Cámara Nacional de Ucrania está composto por bailaríns da primeira élite do teatro nacional da ópera de Lviv, e conta cos primeiros solistas do ballet nacional de Ucrania.
O encontro resultou todo un éxito e os cativos que participaron na cita cultural estaban encantados co espectáculo único que presenciaron.
