O colexio realizou un acto festivo no que incluiu actuacións como a de "Cé Orquestra Pantasma"
No CIFP Portovello de Ourense organizaron hai uns días un acto de homenaxe a Preescolar na Casa. O acto, organizado polo Departamento de Servizos socioculturais, a comunidade do centro e o alumnado do Ciclo Superior de Eduación Infantil, serviu para dar a coñecer os aspectos relevantes da traxectoria de Preescolar na Casa. O acto contou coa presenza dunha representación da Asociación socioeducativa Antonio Gandoy, herdeira de Preescolar na Casa, e de persoas que estiveron directamente relacionadas coa experiencia.
Entre as actividades do programa destacou un concerto-presentación de Fíos de Querer por parte de Cé orquesta pantasma, así como unha visita dos participantes ás instalacións, un recodatorio do proxecto e uns petiscos preparados polo alumnado. A experiencia resultou ser todo un éxito e contou con numerosos participantes.
