Ata o 15 de xaneiro o público infantil e adulto contarán con actividades programadas
Con motivo do Día do Usuario/a das Bibliotecas, celebrado este pasado luns, 11 de xaneiro, as bibliotecas centrais territoriais das cidades galegas organizan diversas iniciativas dirixidas a todos os públicos para promover a celebración desta data. Entre as actividades organizadas destacan as visitas guiadas para coñecer os servizos que ofrece cada centro. Así tamén, contan cunha serie de obradoiros, mostras, recoñecementos para os lectores máis activos e tamén houbo agasallos para as persoas que se achegaron o luns ás bibliotecas. Estas propostas centran os actos conmemorativos nos centros que xestiona a Consellería de Cultura, Educación e Ordenación Universitaria, a través da Secretaría Xeral de Cultura.
Co gallo desta programación, ata o este vindeiro 15 de xaneiro haberá visitas guiadas á biblioteca ás 10.00 e ás 16.00 horas co obxectivo de dar a coñecer os servizos que ofrece o centro.
