Algúns medios din que Galicia quere a gran coalición PP-PSOE-C´s. Eh, eh, eh; dálle atrás á vaca! Que digan a maioría de Galicia, vale, de acordo, pero xeneralizar por xeneralizar, iso si que non, eh. Que algúns temos a nosa honriña. Son galego. Non quero esa coalición. E punto.
As minorías tamén temos dereito a opinar e a poñernos en contra das maiorías. Seguro que a base de machucar e machucar, como un mazo pilón, conseguiremos algo. Tamén a gran maioría non quere a autodeterminación, pero estou seguro que, co tempo, Galicia será libre. Todo é cuestión de... xa sabedes, como un furafollas, como un fedello, como unha mosca cojonera: que zumba e que dálle ata que te fai levantar da cama porque non te deixa durmir. A non ser que a mates. A non ser que nos exterminen. Si, xa sei que máis dun o desexa, pero...
Pasiño a pasiño andaremos camiño. E por esta nosa terra é fácil, porque prácticamente son todos camiños. Que si nos levarán a algunha parte. Máis tarde ou máis cedo ese camiño chegará á súa fin. Máis tarde ou máis cedo teremos a autodeterminación. Ó mellor ata chego a vela, a vivila. Oxalá! Andaremos camiño. En principio xa vou polo camiño do furafollas, da mosca cojonera.
