Aprendendo a falar coa axuda de Lali
No colexio María Inmaculada de Verín contan este ano cunha compañeira moi especial. Chámase Lali e chegou ata as aulas de Educación Infantil cunha misión clara: axudarlle ós máis pequenos do centro a solucionar calquera problema que teñan para expresarse.
A iniciativa, impulsada dende o departamento de Orientación, constitúe un programa de intervención directa nas aulas e desenvólvese durante unha hora á semana para cada un dos grupos de Infantil. Neste tempo, realizan traballos e exercicios para paliar as dificultades que poidan aparecer no desenvolvemento da linguaxe oral e na adquisición do proceso de lectura e escritura. Os cativos están moi contentos coa chegada desta nova compañeira.