Os museos de Allariz -Moda, Xoguete e Coiro- ampliarán o seu horario de apertura durante a próxima ponte de decembro e ante o incremento agardado do número de visitantes á vila alaricana. Así, tal e como informaron dende o Concello de Allariz, entre os días 4 e 8 de decembro, poderase visitar as tres mostras en horario de 11,00 horas a 14,00 horas, e de 17,00 horas a 19,00 horas. Habitualmente o horario de apertura limítase aos sábados, domingos e festivos de 11,00 horas a 14,00 horas e de 17,00 horas a 19,00 horas.
As entradas aos tres espazos teñen un prezo simbólico de 3 euros -se se adquire o bono que da acceso aos tres museos- e de dous euros se, pola contra, se opta por unha entrada individual para coñecelos por separado. Os visitantes que teñan a tarxeta de cidadá e os nenos menores de catro anos están exentos de pago.
