O ciclo de concertos de música de cámara na Fundación Vicente Risco continúa coa décima edición, da man do pianista vigués Brais González e cun novo nome: “Neoartistiñas”.
Os concertos serán sempre ás 20,00 horas, comezando co primeiro concerto o 11 de maio, ca frautista Laura Lorenzo. O segundo concerto terá lugar o 7 de setembro co saxofonista Xurxo Morales, mentras que o terceiro será o día 26 de outubro coa violinista Raquel Areal e a última actuación terá lugar o día 21 de decembro co violonchelista Artei Theotonio.
A capacidade da sala do piano é de trinta e cinco persoas e a inscrición será por rigorosa orde de solicitude, segundo fai saber a organización e pagamento na conta da Fundación Vicente Risco. Os catro concertos costan 40 euros e cada concerto por separado son 12 euros cada un. No ano 2015 a Fundación Vicente Risco comezou unha nova actividade coordinada pola profesora de piano Cristina Vázquez Canal, os “Petiscos Musicais”, un ciclo anual de catro concertos que tivo unha grande acollida entre os amantes da música de cámara.
