O Rexo presenta un novo queixo curado: “Paradiñas”
O ecoespazo de O Rexo presentará hoxe un novo produto. Esta presentación realizarase no Mercado da Reserva da Biosfera de Allariz, ás 12,30 horas.
Este espazo ecolóxico continúa traballando para ampliar a súa liña de produtos e ofrecer aos veciños de Allariz e comarca, así como a todos os visitantes e amantes do ecolóxico, novidades. Desta vez, presentarán un novo queixo: “Queixo Paradiñas”, que será curado.
Os interesados en coñecer este novo produto poderán achegarse á Reserva da Biosfera alaricana e degustar o queixo elaborado en O Rexo.
