A candidatura electoral de Iniciativa está encabezada por Eladi Cid Babarro, ó que seguen Sonia Vidal Lamas e Francisco Iglesias Malvar
O pasado sábado presentouse en Xunqueira de Ambía a agrupación de electores Iniciativa por Xunqueira, que concurrirá ás eleccións municipais que se celebrarán o día 24 de maio. O acto tivo lugar un local hosteleiro da vila e ó mesmo asistiron numerosos veciños. Segundo puxeron de manifesto os seus promotores no curso da presentación, a agrupación de electores "xurde do sentir común dun conxunto de veciños e veciñas da zona que non queren asistir impasibles ao lento esmorecer do seu pobo".
A candidatura electoral de Iniciativa está encabezada por Eladi Cid Babarro, ó que seguen Sonia Vidal Lamas e Francisco Iglesias Malvar, os tres veciños e residentes en Xunqueira de Ambía.
