Lin un montón de interpretacións en relación ao que Aznar dixo referíndose a Rajoy: 'Ten capacidades para ser presidente, o que pasa é que ten a súa forma de ser e oficio galego'.
Despois de ler e reler todas e cada unha das opinións que se derivaron disto, ocorréuseme, porque son galego, ir a mirarme ao espello. Dende logo que encontrei, analizándome concienzudamente, un montón de defectos: teño o nariz un pouco grande, os ollos un pouco pequenos, teño bigote e xa sei que a algúns non lles gusta, son un pouco delgado, son de mediana estatura, como me estou a facer maior teño o pelo un pouco branco... Pero, como quería encontrar algo absolutamente positivo, por máis que me mirei, o do oficio non o encontrei. Sorpréndeme que o presidente da Xunta considere que as declaracións de Aznar sobre Rajoy sexan 'algo absolutamente positivo' e 'un eloxio'.
Traballo dende hai un montón de anos en Madrid, e como fun unha persoa de mal asento, fíxeno en diferentes empresas. Que eu recorde en ningunha delas me preguntaron se eu tiña o oficio de galego como algo positivo para acceder ao posto que me ofrecían. Creo recordar que me preguntaban sobre a miña experiencia e as capacidades relacionadas co traballo que me ofrecían. O de galego son capaz de sintetizalo, pero non como un oficio. Asumino, acepteino, pero ademais é o que son e non deixarei de selo, a pesar de que algúns o utilicen, aínda que Feijóo pense o contrario, como un defecto.
Supoño que sería pretencioso pola miña banda explicar que algúns sectores dun determinado sentir están a participar en ocultar o que aconteceu en Galicia, e polo tanto non deixan de estar interesados en que se desfaga o protagonismo que, mesmo no seu beneficio, tivo a nosa terra.
Quen considere que ser galego é un oficio, aínda que sexa eloxioso como di o presidente da Xunta, nunca entenderá que os galegos nacemos nunha terra ao noroeste de España que se chama Galicia na que, non todos, pero moitos falamos e sentimos en galego. Isto non é un oficio que se poida aprender. É ser galego, non parecer.
Traballo dende hai un montón de anos en Madrid, e como fun unha persoa de mal asento, fíxeno en diferentes empresas. Que eu recorde en ningunha delas me preguntaron se eu tiña o oficio de galego como algo positivo para acceder ao posto que me ofrecían. Creo recordar que me preguntaban sobre a miña experiencia e as capacidades relacionadas co traballo que me ofrecían. O de galego son capaz de sintetizalo, pero non como un oficio. Asumino, acepteino, pero ademais é o que son e non deixarei de selo, a pesar de que algúns o utilicen, aínda que Feijóo pense o contrario, como un defecto.
Supoño que sería pretencioso pola miña banda explicar que algúns sectores dun determinado sentir están a participar en ocultar o que aconteceu en Galicia, e polo tanto non deixan de estar interesados en que se desfaga o protagonismo que, mesmo no seu beneficio, tivo a nosa terra.
Quen considere que ser galego é un oficio, aínda que sexa eloxioso como di o presidente da Xunta, nunca entenderá que os galegos nacemos nunha terra ao noroeste de España que se chama Galicia na que, non todos, pero moitos falamos e sentimos en galego. Isto non é un oficio que se poida aprender. É ser galego, non parecer.
