Baixo o lema “Compromiso e cultura do esforzo”, esta iniciativa conta actualmente con máis de 40 nenos entre os 6 e 14 anos que pagan as súas clases de baloncesto, lendo un libro ao mes e entregado unha ficha sobre o mesmo.
A gala de entrega de premios, na que se coñecerán publicamente os nomes dos gañadores, está prevista para este domingo, 17 de decembro ás 12,00 horas, no Auditorio Ilduara. No transcurso da mesma, se presentarán os Fotopoemas de Nadal, un traballo de Plácido López (fotos), Domingo Tabuyo (poemas) e Juan Bautista Vila (montaxe).
O proxecto cultural e deportivo da asociación Basket x Libros Celanova comezou no ano 2017 no colexio Curros Enríquez por iniciativa do socio fundador, Juan Bautista Vila, e co obxectivo de promover o deporte e a cultura entre os cativos. Do centro, o proxecto deu o salto ao IES Celanova Celso Emilio Ferreiro e, dende esta tempada 2023/2024, a actividade está aberta a todos os nenos da comarca e arredores. En todos estes anos, preto de cen rapaces pasaron por Basket x Libros Celanova.
