O profesor doutor Harald zur Hausen, Premio Nobel de Fisioloxía e Medicina en 2008, impartirá este mércores, 21 de maio, unha charla a estudantes en Santiago de Compostela baixo o título 'Hoxe, clase co Nobel Harald zur Hausen"
A charla terá lugar ás 15,30 horas con alumnos de Bacharelato do Colexio Peleteiro, cuxos estudantes prepararon previamente a visita nas aulas cunha conferencia do catedrático de Fisioloxía da Universidade de Santiago (USC), Juan Zalvide Torrente.
O encontro, que se manterá en inglés, servirá para que os alumnos coñezan máis sobre o traballo do nobel alemán e sobre toda unha vida dedicada á investigación.
Harald zur Hausen demostrou que practicamente todas as pacientes con cancro de colo de útero, o segundo cancro máis frecuente en mulleres, foran infectadas previamente por papilomavirus humano (HPV).
Os descubrimentos de zur Hausen permitiron coñecer como un virus non retroviral pode provocar cancro, o que contribuíu a entender tamén os procesos oncogénicos non virales. Ademais, permitiron o desenvolvemento de vacinas contra o HPV que previrán a aparición de cancros de colo de útero.
