Xosé Lois González foi galardoado co premio Galicia Comunicación na categoría de mellor labor de comunicación de xornalismo gráfico en medios impresos como creador do Carrabouxo. O xurado salientou que creara 'un personaxe próximo co que a xente se identifica'.
'Non os recibiría moi ben porque é moi discreto, pero a min si que me gustan'. Así explicaba onte Xosé Lois González como tería encaixado 'O Carrabouxo' tódolos recoñecementos que está a recibir con motivo do seu 25 aniversario. O último vén da man da Secretaría Xeral de Comunicación, que otorgou ó seu creador o Premio Galicia Comunicación na categoría de mellor labor de comunicación de xornalismo gráfico en medios impresos polas viñetas publicadas cada día en La Región e Atlántico Diario.
O xurado do premio salientou 'o seu papel por ter creado un personaxe próximo co que a xente se identifica'. Valorouse, ademais, 'a calidade plástica e humorística da tira'. Xosé Lois González recibiu a noticia do galardón, que será entregado en xaneiro na illa de A Toxa, 'moi contento de que consideren ó Carrabouxo na comunicación e non só no aspecto humorístico. Esto demostra que o humor é unha forma de comunicarse entre a xente. Non vou dicir que é inmerecido porque sería unha modestia innecesaria e penso que 'O Carrabouxo' si que o merece'.
A mostra
Para Xosé Lois González, 'O Carrabouxo' é 'un personaxe con vida propia' e o premio Galicia Comunicación é un agasallo 'moi oportuno, ó celebrar os 25 anos'. O humorista gráfico quixo 'dar as grazas ó público de Ourense, de Pontevedra e de toda Galicia pola acollida que tivo O Carrabouxo'. Nese aspecto, González di da exposición conmemorativa do aniversario do personaxe inaugurada onte no Ateneo que 'teño a sensación de que vai ir moi ben. Dende logo, se é polo cariño ó personaxe, vai ter moi boa acollida'. Os ourensáns que desexen lembrar a vida da provincia dos últimos 25 anos poden facelo xa no Ateneo a través dos ollos de quen é xa un ourensán ilustre: O Carrabouxo.
O xurado do premio salientou 'o seu papel por ter creado un personaxe próximo co que a xente se identifica'. Valorouse, ademais, 'a calidade plástica e humorística da tira'. Xosé Lois González recibiu a noticia do galardón, que será entregado en xaneiro na illa de A Toxa, 'moi contento de que consideren ó Carrabouxo na comunicación e non só no aspecto humorístico. Esto demostra que o humor é unha forma de comunicarse entre a xente. Non vou dicir que é inmerecido porque sería unha modestia innecesaria e penso que 'O Carrabouxo' si que o merece'.
A mostra
Para Xosé Lois González, 'O Carrabouxo' é 'un personaxe con vida propia' e o premio Galicia Comunicación é un agasallo 'moi oportuno, ó celebrar os 25 anos'. O humorista gráfico quixo 'dar as grazas ó público de Ourense, de Pontevedra e de toda Galicia pola acollida que tivo O Carrabouxo'. Nese aspecto, González di da exposición conmemorativa do aniversario do personaxe inaugurada onte no Ateneo que 'teño a sensación de que vai ir moi ben. Dende logo, se é polo cariño ó personaxe, vai ter moi boa acollida'. Os ourensáns que desexen lembrar a vida da provincia dos últimos 25 anos poden facelo xa no Ateneo a través dos ollos de quen é xa un ourensán ilustre: O Carrabouxo.