O presidente da Xunta, Alberto Núñez Feijóo, anunciou este xoves que o seu Executivo destinará máis de 7,1 millóns de euros ás federacións deportivas galegas.
Con tal fin, o Consello da Xunta autorizou os convenios de colaboración entre a Secretaría Xeral para o Deporte e as 60 federacións deportivas galegas co obxectivo de promover a práctica das súas respectivas modalidades deportivas.
Por primeira vez, o presidente destacou tamén que se asinarán convenios plurianuais coas 14 con maiores posibilidades de participar nos próximos Xogos de 2016: piragüismo, taekwondo, remo, vela, atletismo, loita, judo, natación, triatlón, ciclismo, tiro con arco, rugby, tiro olímpico e tenis.
