Os cinco portos de Galicia de titularidade estatal --Ferrol-San Cibrao, A Coruña, Vilargacía, Marín e Vigo-- estudarán a potenciación do plan de portos deportivos e de náutica recreativa para aumentar o turismo dirixido a este sector.
Os cinco portos de Galicia de titularidade estatal -Ferrol-San Cibrao, A Coruña, Vilargacía, Marín e Vigo- estudarán a potenciación do plan de portos deportivos e de náutica recreativa para aumentar o turismo dirixido a este sector.
Así formulouse na reunión de coordinación das Autoridades Portuarias que presidiron en Ferrol a conselleira e Medio Rural e do Mar, Rosa Quintana, e o presidente do ente público Portos de Galicia, José Juan Durán. O encontro centrouse na cooperación entre as entidades portuarias co obxectivo de impulsar a súa competitividade.
A reunión desenvolveuse na sede da Autoridade Portuaria de Ferrol e, entre outros asuntos, abordouse a necesidade de potenciar o plan de portos deportivos e a náutica recreativa.
Así mesmo, analizáronse os balances do exercicio 2011. Foron positivos para as cinco autoridades portuarias, que igualaron os datos de 2010 e nalgúns casos os melloraron.
Durante a reunión tamén se tratou o plan de medidas de aforro enerxético de Portos de Galicia, para aproveitar dinámicas de traballo e aplicalas tamén nos postos de carácter estatal, co fin de sumar sinerxías e traballar na mesma dirección.
O encontro contou tamén coa participación dos presidentes da Autoridade Portuaria de Ferrol-San Cibrao, Ángel del Real; de A Coruña, Enrique Losada; de Vilagarcía, Sagrario Franco; de Marín, José Benito Suárez e de Vigo, Ignacio López Chaves.
