O Entroido de Xinzo trae consigo un ano máis os dous grandes desfiles da comarca.
O venres día 9 de febreiro terá lugar o desfile infantil en Xinzo de Limia, no que participan máis de 1.000 escolares de toda a contorna, e o martes 13 pola tarde será o Gran Desfile do Entroido de Xinzo, voltando así ó seu día e hora tradicionais.
Nesta edición, o “Concurso de Disfraces e Carrozas” do ano 2024 contará con premios económicos por valor de 3.000 euros repartidos en tres categorías: as carrozas con estrutura que o primer gañador recibe 900 euros e segundo de 500 euros. As comparsas de oito ou máis integrantes, recibirá o primeiro de 800 euros e segundo de 400 euros. Os individuais ou grupos de menos de 8 integrantes, o primeiro recibe 300 euros e para o segundo de 100 euros.
Para participar no concurso, ben nalgunha das categorías ou ben formando parte do xurado, é preciso contactar por correo electrónico ou polo teléfono do concelleiro de Promoción Económica, Emprendemento, Emprego, Participación Cidadá, Festexos e Xuventude, Ricardo Sieiro. Tamén pódese de xeito presencial na Biblioteca da Casa da Cultura, antes do día 8 de febreiro, ás 12,00 horas. As bases completas pódense atopar na páxina web do Concello de Xinzo de Limia.
