Os participantes exhibiron os seus reflexos e habilidades para impedir que caesen ao chan
As olas de barro decoradas voaron entre os asistentes que se atreveron a tomar parte no xogo entroideiro de Eiroás.
O Domingo Oleiro continúa o ciclo festivo do barrio, que comezou a fin de semana anterior co Domingo Fareleiro. O programa da festa incluía tamén o regreso das pitas, a máscara tradicional de Eiroás. As pitas teñen dereito a levar unha cinta de cor por cada ano en que vestiron o traxe.
Estas cores teñen un significado, e a organización escolleu o vermello para representar o 2024. O motivo é honrar ás vítimas da guerra en Gaza, tal e como explican na páxina web da Festa da Pita. O programa continuará o sábado co Folión do Entroido e o martes coa Voda da Pita, moita música e moita troula.
