Nove fulións chegados de Manzaneda, Trives e Vilariño encheron as rúas da vila de ritmo e colorido no seu día grande, o Martes de Entroido
Arredor das 11:30 horas o patio do colexio tornaba cheo de cor das mázcaras e boteiros deseosos por comezar o seu desfile polas rúas da vila. As mázcaras covertéronse nas auténticas protagonistas do martes de entroido de Manzaneda co seu baile xirando sobre sí mesmas.
Tras pedir o permiso, seguindo a tradición, o fulión de Cesuris foi o primeiro en abrir o desfile. Este grupo a diferencia dos demáis, agrandaron o seu percorrido, achegándose ata a residencia da terceira idade municipal.
O fulión de Sobrado era o segundo en desfilar seguidos de As Maceiras, Vilariño de Conso, San Martiño, A Lardeira, Os Labregos, A Caniceira e pechando o desfile o Fulión da Mourela Pra´acá.
🎭🗞 ¡Vive el Entroido con La Región!
— La Región (@LaRegion) February 13, 2024
📲 Aquí te traemos las últimas noticias, sorteos y galerías del carnaval ourensano: https://t.co/1rOatBkSgM pic.twitter.com/qXqrMCHvx1
A mañá soleada fixo que numeroso público se achegara a disfrutar deste tradicional entroido, declarado Festa de Interese Turístico de Galicia.
Ao remate, e xa pasadas as 14,30 horas, abríanse as portas do pavillón para desfrutar xuntos do xantar popular.
Máis de 1000 persoas se deron cita nesta comida a base de empanada, chourizo cocido con patacas e carne ao caldeiro. A bica tampouco faltou na sobremesa.
