Adrián Álvarez Álvarez, Miguel Ángel del Río Quintas e Sandra Valeiras Fernández son os tres afortunados gañadores do sorteo de tres bicicletas eléctricas Velca, modelo Gata, da promoción Ourense Terra de Entroido que durante o mes de febreiro, coincidindo co ciclo festivo, levou a cabo La Región.
A promoción do Mapa do Entroido ourensá chegou onte ao seu final coa entrega das dúas últimas máscaras: os Vergalleiros de Sarreaus e os Troteiros de Bande. Foron un total de 12 días onde o xornal, non só deu unha ampla cobertura do Entroido na provincia, senón que o visibilizou coa entrega diaria e gratuíta de dous pegatinas cada día. Completar o percorrido do Entroido e cubrir o formulario de participación a través do pressclub.laregion.es, permitiu aos lectores e suscriptores de La Región, entrar no sorteo das tres bicicletas eléctricas. Entre todos os rexistrados, máis de 150 persoas que completaron correctamente o rexistro, onte fíxose o sorteo das tres bicicletas.
Entrega
A entrega farase a semana que vén, para que poidan comezar a desfrutar delas o antes posible. Os tres afortunados, tal e como reflectían as bases da campaña, no momento de recoller o seu premio deberán presentar o mapa completo cos 24 adhesivos das máscaras do Entroido. A bicicleta eléctrica, o modelo Gata da marca Velca, se caracteriza por ser rápida, lixeira e moi silenciosa. Conta con 70 quilómetros de autonomía e tan só 14 kilos de peso, transmisión por correa de carbono, sen grasas, e unha pantalla LCD intelixente que indica a duración da batería, velocidades, distancia de viaxe e nivel de asistencia de pedaleo.
Esta acción, que foi posible grazas ó patrocinio de Coren e Eroski e a colaboración de Velca, permitiu recompilar as 24 das máscaras máis representativas do Entroido: a Bonita de Sande, Botarga de Ribadavia, Boteiros de Viana do Bolo e Vilariño de Conso, Cabreiro de Muíños, Charrelo de A Veiga, Cigarrón de Verín, Felos de Esgos e Maceda, Follateiro de Lobios, Frei Canedo de A Ponte, Galo de San Pedro da Mezquita, Gárgola de Celanova, Labardeiro de Mugares, Madamito de Entrimo, Máscara de Buxán, Mázcara de Manzaneda, Vellarrón de Riós, Pantalla de Xinzo, Paquita e Nicanor de Seixalbo, Peliqueiro de Laza, Pita de Eiroás, Troteiro de Bande e Vergalleiro de Sarreaus.