Un dos asuntos que abordará esa comisión, segundo informou o Concello, será a contratación das orquestras do Día da Xuventude celebrado no ano 2008, e da que era responsable Fátima Insua como concelleira de Promoción Económica, Cultura e Xuventude.
O Concello de Abegondo abrirá unha comisión de investigación no próximo mes de setembro co obxecto de aclarar determinadas supostas irregularidades producidas durante o mandato da Agrupación Progresista de Abegondo (APdA).
Neste sentido, a Casa do Concello indicou que quere esclarecer de onde procedeu o diñeiro para efectuar os pagamentos ás orquestras, dado que non consta que saíra das arcas municipais.
Así mesmo, abordarase o tema da realización de traballos ordenados polo goberno de APdA e que supostamente, segundo indicou, trátase de traballos sen dirección de obra nin ningún tipo de proxecto.
