Unha comunicación chegada da Dirección Xeral de Urbanismo da Xunta confirmou onte ó alcalde do Carballiño, Carlos Montes, que nun prazo inferior ás dúas semanas estarán adxudicadas as obras de urbanización do contorno do templo parroquial de A Veracruz. Según indicaron fontes do citado departamento autonómico, foi tan elevado o número de empresas que se interesaron neste proxecto que o periodo de avaliación das propostas está alongándose máis do normal.
Concretamente, son 45 as entidades empresariais as que optan a executar iste proxecto, e nestes días rematará o estudio de tódalas plicas a fin de decidir a adxudicación, apuntaron as mesmas fontes. A urbanización e embelecemento da praza lindante á igrexa deseñada polo arquitecto Antonio Palacios conta cun orzamento de 1,4 milóns de euros. O propio Carlos Montes recoñeceu que a idea de traballar xunto dun dos monumentos máis emblematicos da provincia e destacados de Galicia, fai que sexan moitas as empresas interesadas nesta obra.
Convenio
O rexedor carballiñés destacou que o proxecto contempla a realización da que será a maior praza da vila e o maior centro público do noroeste ourensán, e contará co templo de Palacios coma vixía. O orzamento de execución dos traballos será cuberto ó 100% pola Consellería de Medio Ambiente, Territorio e Infraestructuras, tal e como se acordou hai un par de anos coa sinatura dun convenio por parte do Concello do Carballiño e o departamento de Política Territorial do anterior Goberno autonómico, lembra Carlos Montes.
Convenio
O rexedor carballiñés destacou que o proxecto contempla a realización da que será a maior praza da vila e o maior centro público do noroeste ourensán, e contará co templo de Palacios coma vixía. O orzamento de execución dos traballos será cuberto ó 100% pola Consellería de Medio Ambiente, Territorio e Infraestructuras, tal e como se acordou hai un par de anos coa sinatura dun convenio por parte do Concello do Carballiño e o departamento de Política Territorial do anterior Goberno autonómico, lembra Carlos Montes.