Apuntáronse aos cursos que se programan periódicamente na Aula Municipal de Informática
Medio centenar de personas maiores aprenderon a navegar por internet en Carballiño no vai de ano. Así se desprende dos datos facilitados pola Aula Cemit, que forma parte do servizo municipal de informática e que pon de manifesto que moitas persoas xubiladas, tanto da vila como do resto do Concello, inscribíronse nos cursos que se imparten nestas dependencias, que contan con quince prazas.
Un dos labores que resalta dentro deste servizo de informática é o de ensinar a usar un ordenador e a navegar pola rede ás persoas maiores. Precisamente, o venres pasado remataba un novo curso de iniciación á informática e o vindeiro lunes dará comezo outro sobre o uso de Facebook.
Segundo fontes municipais, prácticamente todas as prazas dos cursos se cubren e ao longo do ano pasan por esta aula Cemit ao redor de 700 persoas, entre usuarios asiduos e personas asistentes aos cursos que se imparten cada certo tempo, segundo a demanda que se produza. Cada día ocúpanse entre o 30% e o 40% dos ordenadores, segundo estas fontes municipais.
Christian López, responsable do servizo de informática asegura que o obxectivo dos cursos cúmplese plenamente, "pois nunha semana consíguese que as persoas inscritas nele aprendan o manexo básico dun ordenador e a forma de consultar a través de internet.
