El Concello de Boborás ha abierto el plazo de solicitud de ayudas para material escolar, con cantidades que van desde 70 euros para infantil hasta 130 euros
O Boletín Oficial da Provincia de Ourense vén de publicar as bases que rixen a convocatoria de axudas para material escolar no Concello de Boborás para o próximo curso 2023/2024. O prazo de presentación das solicitudes para acollerse a estas axudas municipais abriuse o pasado día 15 de decembro e prolongarase ata o próximo 21 deste mesmo mes.
Os responsables municipais informan que será a traballadora social a encargada de tramitar e recoller a documentación que deberán presentar os solicitantes, contemplada nas bases da convocatoria.
Estas axudas serán compatibles coas de outras administracións, segundo apuntan as autoridades municipais. A contía é de 70 euros para alumnos de infantil; de 90 euros por beneficiario de primaria; 110 euros en secundaria; 130 euros para os alumnos de Formación Profesional e tamén de 130 euros para cada beneficiario de bacharelato.
Para máis información os interesados poden chamar ao teléfono 988 402008.
Poboación
Con esta medida, as autoridades municipais pretenden aliviar o gasto das familias de Boborás e contribuír ao asentamento de poboación, ao mesmo tempo que se impulsa e apoia ao colexio público, no que tamén se ofrece unha amplia programación de actividades.