A Concellería de Servizos Públicos de Carballiño informa aos hostaleiros sobre o uso correcto das terrazas á vista da importante afluencia de visitantes, que se incrementará cara a Festa do Pulpo.
Así, deberán manter ao longo do día as instalacións, o seu espazo e área de influenza, nas debidas condicións de limpeza, seguridade e ornato. Ademais, calquera vertedura que poida deixar marca no chan deberá ser baldeada debidamente.
Tamén teñen a obriga de recoller as mesas e demais elementos ao termo de cada xornada, así como durante as horas nas que o establecemento permaneza pechado. As cadeiras e mesas deberán apilarse na menor superficie posible, no punto que menos influenza teña para o tránsito peonil e hai que velar para que en ningún momento se ocupen espazos distintos dos autorizados e para que os usuarios non alteren a orde pública.
