Establécense tres premios de 200, 150 e 100 euros, para os tres primeiros clasificados. E outros 150, 100 e 50 euros para os primeiros clasificados entre os establecementos asociados ao Centro Comercial Aberto.
A Concellería de Cultura do Carballiño, en colaboración co Centro Comercial Aberto, convocan un Concurso de escaparates de Nadal 2016, no que se repartirán 1.000 euros en premios. O Concello aportará 700 euros, dos cales 450 serán para premios e 250 euros de un accésit para a Praza de Abastos. O Centro Comercial Aberto aportará os 400 euros restantes.
Así, establécense tres premios de 200, 150 e 100 euros, para os tres primeiros clasificados. E outros 150, 100 e 50 euros para os primeiros clasificados entre os establecementos asociados ao Centro Comercial Aberto. De aí que os mellores escaparates poderán levar un premio case dobre se resulta que son socios do Centro Comercial Aberto.
Neste concurso poderán participar todos os establecementos comerciais da vila, que deberán colocar nos escaparates un distintivo facilitado pola Concellería de Cultura, dando conta da súa participación no concurso. O prazo para poder inscribirse finalizará o 15 de decembro, ás 12 do mediodía, e deberá efectuarse na área municipal de Cultura.
