Os actores Josi Lage e Gabriel Prada son os protagonistas de “Almar”, de Coiracho Produccións, unha peza dirixida por Raúl Rodríguez da Silva que, traballando en Rusia, encargouse tamén de elexir a obra que trata sobre a despedida entre os namorados Albert Einstein e a espía soviética Margarita Konionkova.
Os días 5 e 6 de agosto presentarán o primeiro acto no Auditorio Manuel María do Carballiño, ás 21,00 horas, co que pretenden interactuar co público a través dun diálogo ao final da representación, e antes de iniciar unha xira internacional que levará este espectáculo a países como Argentina, Chile, México, Uruguai, Francia, Alemaña e Rusia, onde actuarán ante o guionista Alexander Gelman, e posiblemente tamén en Marrocos e Alxeria. “En ‘Almar’ hai algo de comedia, moito amor e un ritmo trepidante”, apunta a actriz carballiñesa, engadindo que “é un traballo psicolóxico e de moita investigación”. Gabriel Prada asegura que é unha obra complexa, con moitos matices e sinalaba que será presentada en festivais de medio mundo. No acto de presentación participou o concelleiro Diego Fernández.
