Esta nova intervención para a mellora da seguridade viaria foi adxudicada á empresa Obras, Pavimentos e Instalaciones Industriales, S.L. Opain. O obxectivo é poder iniciar os traballos na segunda quincena de abril, cun prazo de execución de 3 meses.
A intervención consiste na mellora de dous treitos que suman 500 metros de lonxitude co soterramento das redes aéreas de electricidade, iluminación pública e telecomunicacións.
Realizarase unha rehabilitación superficial completa do firme da calzada e tamén se disporá unha nova rede de alumeado público con luminarias de tecnoloxía led, destacando así mesmo un tramo de elevación da beirarrúa sobre a plataforma da calzada. A obra completarase coa adaptación do sistema de drenaxe existente e a sinalización.