A Biblioteca Municipal de Ribadavia está a ser un activo elemento de dinamización cultural, asegura o concelleiro de Cultura, Anxo Collarte. O edil nacionalista destaca que os pasos dados para renovar os fondos bibliográficos, diversificar a oferta no ámbito do audiovisual, o cómic ou o libro infantil e o labor que se desenvolveu nestes últimos anos para ampliar os espazos e dotalos de novo mobiliario e equipamento informático, está a facer máis atractiva esta sección cultural.
Neste sentido, levouse a cabo o ano pasado o rexistro e catalogación de 500 libros, dos cales 131 son material audiovisual e 21 documentos electrónicos, 'ademais de incrementarse a colección de cómics e libros en inglés cunha grande aceptación por parte dos usuarios', subliña Anxo Collarte.
Por outra banda, dende hai un ano déronse de alta 71 socios, chegando na actualidade o número total ós 1.573, mentres o montante global de préstamos domiciliarios foi de 2.778, fronte ós 1.478 contabilizados no exercicio de 2009.
Por outra banda, dende hai un ano déronse de alta 71 socios, chegando na actualidade o número total ós 1.573, mentres o montante global de préstamos domiciliarios foi de 2.778, fronte ós 1.478 contabilizados no exercicio de 2009.
