A localidade de Cenlle celebrará o vindeiro domingo a quinta edición da Degustación do viño tinto, organizada polo Concello e a comisión de festas. O obxectivo desta festa é a promoción do producto e da comarca.
O Concello de Cenlle, coa colaboración da comisión de festas da localidade e os propios veciños, organiza a Degustación do viño tinto de Cenlle o vindeiro domingo 31 de maio. A partir das 10.30 horas, instalarase unha carpa na pista polideportiva do colexio público para a degustación gratuita dos famosos caldos das parroquias do municipio.
Ó mediodía celebrarase un xantar de confraternidade que, ó prezo de 10 euros, inclúe un menú composto de xamón serrano, empanada, lacón cocido, carne ó caldeiro con patacas, garbanzos e chourizo, ademais de café e tinto. Toda a xornada esta rá amenizada pola charanga Os Escachapeitos, e os vales para o xantar pódense mercar na Casa do Concello e diferentes establecementos comerciais de Cenlle.
Os organizadores sinalan que entre os obxectivos máis destacados da festa está a promoción do tinto de Cenlle para dalo a coñecer en toda a comarca e o seu contorno, a fin de conquerir unha meirande comercialización e venda do producto. Engaden que este tipo de celebracións favorece a convivencia entre os veciños e potencia o intercambio interxeneracional, así como o coñecemento do contorno natural e contribúe á promoción turística desta zona do Ribeiro. Comentan que o ano pasado, a afluencia de xente foi de arredor das 300 persoas, e estimamos que este ano poidan acudir á festa máis de 400 persoas.
Ó mediodía celebrarase un xantar de confraternidade que, ó prezo de 10 euros, inclúe un menú composto de xamón serrano, empanada, lacón cocido, carne ó caldeiro con patacas, garbanzos e chourizo, ademais de café e tinto. Toda a xornada esta rá amenizada pola charanga Os Escachapeitos, e os vales para o xantar pódense mercar na Casa do Concello e diferentes establecementos comerciais de Cenlle.
Os organizadores sinalan que entre os obxectivos máis destacados da festa está a promoción do tinto de Cenlle para dalo a coñecer en toda a comarca e o seu contorno, a fin de conquerir unha meirande comercialización e venda do producto. Engaden que este tipo de celebracións favorece a convivencia entre os veciños e potencia o intercambio interxeneracional, así como o coñecemento do contorno natural e contribúe á promoción turística desta zona do Ribeiro. Comentan que o ano pasado, a afluencia de xente foi de arredor das 300 persoas, e estimamos que este ano poidan acudir á festa máis de 400 persoas.
