A Cruz Vermella do Ribeiro puxo en marcha a campaña de recollida de xoguetes e material escolar, que se distribuirá entre un total de 95 nenos da comarca (ata os 14 anos), pertencentes a familias con poucos recursos. 'Necesitamos da solidariedade dos veciños do Ribeiro xa que son eles os máis importantes para que esto se cumpra', sinalan os organizadores, que contan coa colaboración de nove establecementos comerciais para recoller os xoguetes.
Os voluntarios da Cruz Vermella son os encargados de recibir os donativos e acondicionalos de cara o seu reparto días antes de Reis. A súa labor é importante xa que arranxan, limpan, colocan pilas, arman os xoguetes para comprobar si teñen todas as pezas e finalmente fan a selección según a idade o sexo e a necesidade dos destinatarios, aínda que non coñecen ós beneficiarios, para garantir o seu anonimato.
