A Deputación de Ourense, xunto co Concello de Ribadavia e a asociación sen ánimo de lucro 'Ecovidrio', poñen en marcha unha campaña de reciclaxe de vidro no sector da hostelería que ten como obxectivo facilitar a bares, cafeterías, restaurantes, pubs e demais establecementos do sector a recollida e depósito do vidro destinado á reciclaxe. A campaña levarase a cabo en 30 locais de Ribadavia, nos que se entregará un cubo adaptado por local e 11 iglús con boca 'porta de bar' nos radios de acción destes locais.
A Deputación encargarase posteriormente de recoller información sobre o grado de satisfacción dos empresarios con este novo sistema. Ademais, en todos aqueles establecementos que se adhiran colocarase un distintivo que permita diferencialo como 'centro hostaleiro que impulsa a reciclaxe de vidro', e que denote que nese centro se recicla correctamente o vidro. O novo dispositivo consiste nun cubo con rodas adaptado para as barras dos locais e un contedor de rúa con boca ancha, específico para hostelería, que permitirán facilitar o traballo de reciclaxe evitando que os profesionais teñan que poñer unha por unha as botellas no depósito. Para elo, disporán dunha chave para a apertura do depósito e dun mecanismo elevador que axudará no volcado do cubo no contedor da rúa.
As autoridades confirmaron que prevén aplicar este sistema tamén no pobo de Francelos.
As autoridades confirmaron que prevén aplicar este sistema tamén no pobo de Francelos.
