A agua xa mana da única tubería existente na histórica Fonte da Prata, ubicada no casco histórico de Ribadavia, unha vez solventados os problemas que produxeron a súa seca hai seis meses. Os traballos de acondicionamento das canalizacións do subsolo consistiron na limpeza dos residuos procedentes dunha construcción privada que se estivo a facer no entorno do manantial, considerado coma unha das xoias da capital do Ribeiro.
Neste sentido, o equipo de goberno do Concello de Ribadavia amosara a súa total disposición para que os veciños da vila non quedasen sen esta auga, a partir das queixas que transmitiu o grupo popular na Corporación, que suliñaba a repercusión das obras dun edificio colindante na seca desta fonte clásica. Nembargantes, o alcalde, o socialista Marcos Blanco, rexeitou recoñecer que os traballos de edificación fosen a causa da situación.
Finalmente, e tra-lo pertinente estudio técnico, os operarios municipais lograron reconducir a auga dende a súa mina orixinal ata a Fonte da Prata, ó traverso da colocación de novas tuberías e con total garantía sanitaria.
Finalmente, e tra-lo pertinente estudio técnico, os operarios municipais lograron reconducir a auga dende a súa mina orixinal ata a Fonte da Prata, ó traverso da colocación de novas tuberías e con total garantía sanitaria.
