As persoas maiores de 55 anos son os beneficiarios dos seminarios que desenvolve o Concello de Ribadavia en colaboración coa Universidade de Vigo. O programa destes seminarios de formación universitaria para maiores, chamado "Mareas de coñecemento e experiencia", terá lugar todos os luns e mércores desde onte e ata o próximo 20 de novembro, e as clases, que son totalmente de balde, impártense na aula da Casa da Cultura de Ribadavia.
O primeiro seminario que comezaba este luns é sobre "O viño do Ribeiro", dirixido polo profesor José Manuel García Queijeiro, e para mañá esta prevista unha visita cultural ao Museo do Viño de Galicia, en Santo André .
Outros seminarios programados teñen que ver coa "Arte e Historia", a cargo da profesora Ana Cebreiros, que será os días 11 e 13 deste mes de novembro. Finalmente, Julía de la Montaña Míguez impartirá clases sobre "Benestar e calidade de vida", os días 18 e 20.
