A exposición itinerante da Xunta As nosas palabras, os nosos mundos chegou onte ó Centro Cultural da Deputación, onde pecha o seu percorrido por diversas cidades do mundo. A mostra oferta 500 metros cadrados de posta en valor do galego. Os conselleiros de Cultura e Educación inauguraron a mostra.
Unha exposición sobre a lingua galega na diversidade lingüística existente. Esa é en síntese o fondo da mostra itinerante da Secretaría Xeral de Política Lingüística que onte se inaugurou no Centro Cultural da Deputación, onde permanecerá ata o día 19 deste mes. As nosas palabras, os nosos mundos oferta un espazo expositivo de 500 metros cuadrados onde o visitante pode achegarse ó galego e á realidade plurilingüe actual dunha forma activa e sensitiva. Ven envolta nun dobre obxectivo: promover o valor da lingua propia e contribuir ó plurilingüismo como garantía dunha convivencia global harmónica, segundo explicaron as autoridades.
No acto inaugural, Anxo Lorenzo, secretario xeral de Política Lingüística da Xunta, fixo fincapé en que a mostra presenta a lingua como palabras para falar e como ferramenta para crear lazos de comunicación e tanto o presidente da Deputación, José Luis Baltar, como o conselleiro de Cultura, Roberto Varela, incidieron en que a fala non é propiedade de ningún partido político, senón dos falantes. Neste senso, Baltar apelou ó consenso na defensa do galego e rexeitou imposicións ou apropiacións partidarias de calquera tipo.
Defensa do plurilingüismo
Pola súa banda, o conselleiro de Educación, Jesús Vázquez, abogou por non virar as costas ó plurilingüismo e definiu a exposición como unha mostra sobre a vitalidade actual da lingua galega e a diversidade lingüística.
A mostra pecha a súa itinerancia en Ourense e non é casualidade. Ourense foi berce de personalidades históricas que contribuiron a difundir o idioma galego, dixo Vázquez.
No acto inaugural, Anxo Lorenzo, secretario xeral de Política Lingüística da Xunta, fixo fincapé en que a mostra presenta a lingua como palabras para falar e como ferramenta para crear lazos de comunicación e tanto o presidente da Deputación, José Luis Baltar, como o conselleiro de Cultura, Roberto Varela, incidieron en que a fala non é propiedade de ningún partido político, senón dos falantes. Neste senso, Baltar apelou ó consenso na defensa do galego e rexeitou imposicións ou apropiacións partidarias de calquera tipo.
Defensa do plurilingüismo
Pola súa banda, o conselleiro de Educación, Jesús Vázquez, abogou por non virar as costas ó plurilingüismo e definiu a exposición como unha mostra sobre a vitalidade actual da lingua galega e a diversidade lingüística.
A mostra pecha a súa itinerancia en Ourense e non é casualidade. Ourense foi berce de personalidades históricas que contribuiron a difundir o idioma galego, dixo Vázquez.
