A localidade do Barco de Valdeorras acollerá a presentación da reedición dos poemarios do escritor Florencio Delgado Gurriarán: “Bebedeira (Editorial Nós, 1934), Galicia Infinda (Editorial Galaxia, 1963) e ”O soño do guieiro (Ediciós do Castro, 1986). O acto foi programado para o xoves 16 de febreiro, ás 20,00 horas, e desenvolverase no Edificio Multiusos da vila.
Os tres son os poemarios que o protagonista do Día das Letras Galegas 2022 concebiu como tales, pois o escritor de Córgomo tamén participou na obra colectiva “Cancioneiro da loita galega” (PG México, 1943) e coordinou a recompilación da súa obra en Catarenas (Ediciós do Castro, 1981).
No acto de presentación dos devanditos poemarios reeditados por Galaxia estarán os valdeorreses Ricardo Gurriarán e ElvaDelgado, ambos familiares do autor, e serán presentados polo alcalde do Barco, Alfredo García.
