Aberto o prazo de solicitude da convocatoria para a concesión de axudas en especie para a adquisición de libros, destinadas a nenos e nenas empadroados/as no concello de Ourense coa finalidade de potenciar os hábitos de lectura e o acceso á cultura deste sector de poboación. As adquisicións de libros poderanse realizar dende o 23 de xuño de 2021 ate o 14 de agosto de 2021.
Os establecementos comerciais que queiran participar deberán presentar unha solicitude de participación perante o Concello de Ourense, con data límite do 15 de xuño de 2021.
