Os estudantes limiáns participan en numerosos proxectos coas que reforzan e incrementan os conceptos teóricos
Unha dos aspectos salientables do IES Cidade de Antioquía é que son un centro de ensino moi dinámico e todos os estudantes, independentemente da modalidade educativa que cursan, participan cada curso en numerosas actividades e proxectos educativos cos que reforzan e incrementan os coñecementos teóricos aprendidos na aula. Este curso 2015/2016 participaron en cinco proxectos salientables:
Programas Europeos Erasmus+. O IES Cidade de Antioquía participou neste proxecto xunto a centros de ensino de Francia, Finlandia, Bélxica e Italia. Trátase do desenvolvemento dunha plataforma informática para a xestión de montes.
Carta Erasmus+. O alumnado de Formación Profesional gracias á denominada Carta Erasmus+ tiveron a oportunidade de realizar prácticas no exterior.
Viaxes e intercambios. Co fin de mellorar o desenvolvemento tanto do inglés como do Francés, alumnos e alumnas limiáns participaron en viaxes de inmersión lingüística e intercambios.
Dinamización da lectura e da lingua galega. Este foi outro dos proxectos nos que se involucraron durante este curso.
Medioambiente. Tamén participaron en proxectos medioambientais, especialmente relacionados co aforro enerxético e as enerxías renovables.
