Os alumnos do CPI Jose García García de Mende sorprenderon ás camaras de Telemiño cunha animada presentación acompañada de actuacións musicais
O CPI Jose García García está situado nun entorno privilexiado, rodeado de natureza na beira do río Lonia. Catro son os grandes obxectivos nos que traballa a dirección do centro educativo: atender a tódolos niveles educativos, dende as necesidades educativas especiais ata alumnado con altas capacidades, pasando por todo tipo de reforzos educativos, evitar o fracaso escolar coa participación do Fondo Social Europeo, fomentar hábitos saudables entre o alumnado e manter un ambiente cordial de convivencia entre alumnado, profesorado e familias.
Neste centro intégranse as tres etapas educativas: Infantil, Primaria e Secundaria, alumnos dende os 3 ata os 16 anos conviven neste centro educativo que ten un horto escolar e un xardín botánico no interior do recinto. É importante reseñar que contan con comedor, para todo o alumnado, de xestión directa con cociña propia donde elaboran menús saudables con supervisión de especialistas en dietética.
É un centro moi ben dotado de recursos, ten aulas específicas de tecnoloxía, idiomas, plástica, educación física, informática e a dotación de encerados dixitais en case todas as aulas, permite atender ás diferentes necesidades, dende as adaptacións curriculares ata o alumnado con altas capacidades. A novidade deste ano é a elaboración e desenvolvemento dun programa de enriquecemento curricular para o alumnado con altas capacidades do centro, baseado nas novas correntes pedagóxicas de traballo por proxectos. En breve empezaranse a ver os resultados deste novo enfoque educativo.
A parte do entorno, e dos grupos reducidos por aula que facilitan a atención individualizada de todo o alumnado e favorecen a integración educativa, tamén é de destacar a implicación de toda a Comunidade Educativa no proxecto do centro. A coordinación entre o profesorado das diferentes etapas educativas, así como a estreita colaboración coas familias fai deste centro un gran equipo de traballo.
A implicación da ANPA nas actividades extraescolares, a ilusión coa que traballa o persoal non docente e a coordinación entre o profesorado das diferentes etapas educativas, fai que o centro educativo de Mende poida presumir dun bo ambiente de traballo que se traduce en resultados, como o recente premio extraordinario de ESO para un dos alumnos.
