Mestre, empresario e político
Mestre, empresario e político son as tres características que definen a Eulogio Gómez Franqueira, nacido ás beiras do río Miño no ano 1917. Cenlle foi o lugar onde se criou o ourensán, que estudiou Maxisterio e exerceu como docente durante máis de dúas décadas. A súa vida estivo adicada á cultura e a sociedade galegas, motivos polos que a Xunta de Galicia lle outorgou a Medalla Castelao no ano 1986, dous anos antes do seu falecemento na cidade de Ourense. Durante a súa vida, foi deputado nas Cortes en Madrid entre os anos 1977 e 1986, ademais de procurador durante máis dunha década.
Vocación agrícola
Se hai un eido ó que está relacionado o nome de Eulogio Gómez Franqueira é ó da agricultura. Campesiñas eran as súas orixes e a elas adicou toda a súa vida empresarial. Seguro que che soa o nome da empresa que fundou: Cooperativas Orensanas, que compaxinou coa xerencia da Unión Territorial de Cooperativas Orensana (Uteco). Foi o seu grande proxecto e da unión de ámbalas dúas naceu o que hoxe coñecemos como Coren. Entre as innovacións que promoveu salientan a creación dunha fábrica de piensos e a producción de ovos. Na súa andaina empresarial participou tamén na creación de Caja Rural de Orense.
Carreira docente
Como ves, Eulogio Gómez Franqueira foi unha persoa moi emprendedora, pero sempre tivo presente o seu oficio de mestre. Aínda que a súa carreira docente, empresarial e política ten moita relación con Castrelo de Miño, o seu primeiro destino como profesor foi en San Amaro, onde lle renderon homenaxe poñéndolle o seu nome ó centro educativo, en lembranza dos tempos que pasou nas aulas deste municipio da comarca do Carballiño. Tamén en Ourense se lembra a figura do empresario coa rúa que leva o seu nome e que pasa a carón da estación de tren.