Os nenos, as familias e os profesores dedícanlle moitas semanas a confección dos traxes de entroido
Desde o ano 2002, interrumpidamente, o Concello de Verín organiza un multitudinario desfile infantil no que participan máis de 1.800 nenos e nenas da comarca de Monterrei.
Unha xornada de entroido na que os nervios e a ilusión son os protagonistas. Nin o frio nin a chuvia deixou aos espectadores na casa nin aos nenos sen desfilar neste día tan especial. O percorrido partiu como todos os anos, do entroncamento da Canella Cega coa estrada de Cabreiroá, para percorrer as rúas Deputación, Luis Espada e Lisa, e finalizar nas prazas García Barbón e Maior. Amenizou o desfile a Banda de Gaitas do Concello de Verín e as charangas Támega, CBD, Solana, Ideal e Europa. As beirarrúas estában cheas de visitantes, familiares e moitos colexios que acuden a ver este desfile donde os alumnos sorprenden con vistosos disfraces elaborados por toda a comunidade educativa de cada centro. Os nenos, as familias e os profesores dedícanlle moitas semanas a confección dos traxes. Cada ano se suman máis centros educativos a este desfile, este ano acudiu por primeira vez o Augusto Assia de A Mezquita.
