"Somos un cole moi activo"

01/jun./16 - 17:12 Actualizado: 01/jun./16 - 17:12

No CEIP Otero Novas combinan as clases propias de cada ciclo e materia con múltiples actividades e proxectos

No Concello de Cortegada está ubicado o CEIP Otero Novas, un centro de ensino de Infantil e Primaria que este curso contou cun grupo integrado por 26 nenos e nenas. Cinco profesores fixos e dous itinerantes, de relixión e a orientadora, son os encargados de proporcionarlles unha completa formación. Aproveitando o reducido número de alumnos e pese a que esto as veces pode ser un inconvinte para a realización de algunhas actividades, no Otero Novas tornan as cousas e buscan o lago máis positivo proporcionándolle aos cativos numerosas e completas actividades durante todo o curso.

Sodes poucos no centro, pero máis que ser algo negativo, vós búscades as cousas boas.

De feito que sí. Ser poucos moitas veces nos limita a realizar algunhas actividades, pero é moi positivo á hora de organizar outras moitas. Os profesores teñen o dobre de traballo xa que preparan as clases para varios niveis, pero aproveitan as temáticas e traballan todos os nenos axeitándose aos seus coñecementos e niveis educativos, uns aprenden dos outros.

Completades as clases con diversos proxectos, en cales participástedes este curso?

Entre os máis salientables repetimos o de Xogade, que consiste na realización de diversas actividades deportivas. Participamos nas modalidades de fútbol sala, baloncesto, campo a través, atletimos, etcétera. Acudimos a Ribadavia onde os escolares se enfrontaron a nenos e nenas doutros centros de ensino da zona. As actividades deportivas son moi froitíferas para os escolares e un xeito de liberarse dos estudos. Tamén participamos no plan Proa, de reforzo escolar para os escolares de 3º e 6º e, como novidade este curso, no proxecto "Nós tamén creamos", de promoción da lingua galega a través da creatividade e a incorporación das TIC nas aulas, creando curtametraxes en galego.

Pero vós no vos limitades soamente a estes proxectos xa que compartides numerosas actividades durante todo o curso, non sí?

Procuramos organizar actividades educativas cun carácter un pouco máis lúdico durante todo o curso e xeralmente son un éxito. Este curso realizamos unhas olimpiadas escolares, con varios torneos deportivos durante todo o curso. Tamén fomos ao cine a Leiro, participamos activamente no Entroido, percorrendo as rúas do municipio disfrazados, fomos a Lalín, a visitar a casa do patrón e participamos tamén no Correlingüa en Ourense. Destacar que recibimos o primer premio de mellor pancarta do galego e estamos moi contentos.

Xa estamos a final de curso, pero vós lexos de baixar a intensidade seguides organizando moitas cousas.

Ata o último día de clase cando celebraremos o festival de fin de curso seguiremos activos. De feito hai dous días tivemos unha charla de saúde buco-dental, o día 6 de xuño visitaranos a Garda Civil para impartir unha charla sobre "Acosos e novas tecnoloxías", a vindeira semana participaremos nunha actividades de supermercado en Ribadavia, os maiores tamén irán visitar o instituto e iremos a Amoeiro para compartir unha estupenda xornada de convivencia cos escolares deste municipio.

E tamén estades inmersos na Semna da Bicicleta. Facedes moitísimas cousas e seguro que os cativos o agradecen?

Os escolares o pasan moi ben e aprenden moito en cada actividade. Ser poucos tamén ten vantaxes e esta é unha delas, realizamos moitos proxectos e involucramos a todos os escolares neles. Estes días estamos coa Semana da Bicicleta e realizamos un obradoiro de educación vial, ademais o venres os nenos traerán as súas bicicletas ao centro e realizaremos unha ruta por Cortegada.

Como se presenta o curso que vén, imaxinamos que támen do máis activo?

Procuraremos darlle continuidade a todas as actividades deste curso. Tamén queremos contar de novo cun auxiliar de conversa como este curso que é moi positivo para o aprendizaxe dos escolares. Ademais, queremos participar de novo no proxecto "Nós tamén creamos" xa que este curso foi estupendo. Por último, intentaremos participar no proxecto "Meteoescolas", a ver se temos sorte porque é unha experiencia que nos encantaría compartir.

Manuel Borrajo, o director

Manuel Borrajo Fernández é mestre no CEIP Otero Novas de Cortegada dende hai catro anos. É profesore de Educación Física no centro, ademáis de titor de 1º, 2º e 3º. É un profesor moi comprometido e traballa arreo para ofrecerlle aos seus alumnos un completo programa de actividades complementarias.