Nunha reunión, os productores de patacas de A Limia trasladaron ao portavoz parlamentario de En Marea as súas inquedanzas e as preocupacións no escenario do parlamento galego
O portavoz do grupo parlamentario En Marea Luís Villares e o deputado por Ourense Davide Rodríguez, mantiveronunha xuntanza cos produtores de pataca da comarca de A Limia, entre eles varios representantes da IXP Pataca de Galicia, para buscar solución para aplacar os temores en relación á couza que está afectando á pataca na rexión limiana.
“Entendemos que a Xunta chega tarde, pois este problema afectaba hai ano e medio a tres concellos e hoxe afecta a trinta e tres, polo que é normal que exista esta inquedanza en todos os produtores de Galicia”, engadiu o portavoz da marea galega.
En Marea explica que "seguirá insistindo na necesidade de tomar medidas efectivas e firmes, que eviten a perda de de mercado da pataca galega. Cremos que a pataca da Limia non debe quedar prexudicada por esta crise que afecta neste caso á Mariña e polo tanto entendemos que lle compete á Xunta actuar para garantir a sustentabilidade do propio mercado porque depende a economía de toda unha comarca dun sector tan importante como é aquí a pataca”, concluíu Villares.
Se a @Xunta fose dilixente a praga da pataca non afectaría hoxe a 33 concellos de Galicia" @VillaresLuis na xuntanza cos produtores da Limia pic.twitter.com/1WpQe80qtb
— EnMarea (@En_Marea) 1 de marzo de 2017