Juan Antonio Seara, da asociación Xan de Arzúa: “As imaxes deste ano da festa son debuxos de Vicente Risco”

A Asociación Xan de Arzúa, organizadora da Festa do Boi, impulsa un programa no que a historia e a música comparten a tradición. Juan Antonio Seara, membro da Asociación, destaca o traballo destos meses para retomar a festa máis importante da vila.

Cantos membros forman a Asociación?

A Asociación esta formada por máis de 100 persoas, as cales teñen unha función moi importante dentro da organización, nos meses previos, e no desenvolvemento durante os 9 días que dura, que sen o seu labor sería imposible realizala. Para entendelo mellor cada membro da Asociación colabora e participa dentros dos apartados en que podemos definir que se dividen as diferentes actividades que engloba a festa, ben sexa no apartado histórico, actividades infantís, cea veciñal, confección e colocación da decoración, como homes do sedeño... por destacar algunhas.

Temos que pensar que é unha festa do pobo de Allariz para o pobo

Que expectativas hai para este ano?

O principal é que os veciños, veciñas e os visitantes que durante os días de celebración disfruten de cada unha das actividades que este ano estan programadas. Temos que pensar que é unha festa do pobo de Allariz para o pobo, é dicir, se realiza coa aportación voluntaria dos veciños e veciñas da vila, para que eles poidan desfrutar dela. E dentro desto debemos destacar que cada ano aumentan os participantes nas actividades históricas da festa, como o caso da procesión medieval, na que este ano alcanzaremos o número de máis de 700 persoas na súa representación.

Cando comezou esta asociación?

Temos que remontarnos o ano 1983 cando 6 mozos da Asociación Arnoia recuperaron a Festa, podemos afirmar que ese é o xermen do que anos despois no ano 1994 sería a creación do que hoxe é a Asociación Cultural Xan de Arzúa. Polo que neste ano 2023 estamos a celebrar os 40 anos da recuperación da Festa do Boi.

Algunha novidade para iste ano?

Destacaría por un lado o que é as imaxes deste ano da Festa, que son debuxos de Vicente Risco, e que a Fundación Vicente Risco de Allariz nos cedeu para a súa reproducción. Xa que este ano estamos a celebrar o 60 aniversario do falecemento de Vicente Risco.

Como equilibran a parte histórica e a parte festiva?

Chegar a ese equilibrio do que me preguntas non é un traballo de un ano, de dous, se non que cada unha das persoas que formaron e que forman parte dende a orixe da Asociación teñen traballado durante moitos anos para conseguilo. No momento no que estamos dende a Asociación cremos que temos conseguido dito equilibrio entre o que denominamos o apartado histórico (procesión medieval, baixada das bandeira, recreación do trato do boi, actividades co CEIP Padre Feijoo..) e a parte festiva (pasarrúas, verbenas...) que é a base na continuación da celebración da festa.

Para iso incidimos na participación dos veciños e veciñas en todas as actividades pero sobre todo como integrantes das actividades do apartado histórico, o cal observamos que cada ano aumenta o número, indicativo da boa saúde diste apartado pero tamén pretendendo como Asociación que a conservación da historia, cultura e a súa difusión a través de actividades vinculadas a ela, non só da festa se non do pobo de Allariz e o futuro da non desaparición da cultura, historia, patrimonio… dun pobo.

Polo que a Asociación seguirá apostando nun futuro pola súa realización que non está en ningún momento enfrontado a parte festiva, á cal ten que seguir existindo e que na actual celebración da festa xa ten un peso tamén importante.

As frases

• A Asociación esta formada por máis de 100 persoas, as cales teñen unha función moi importante dentro da organización.
• O principal é que os veciños, veciñas e os visitantes que durante os días de celebración disfruten de cada unha das actividades que este ano estan programadas.
• Incidimos na participación dos veciños e veciñas en todas as actividades.