Avatma deu a coñecer un informe elaborado por uns 400 veterinarios de todo o Estado, no que piden reorientar as actividades festivas e que non se empreguen animais
Un colectivo de veterinarios, Avatma, que está en contra dos malos tratos animais e da tauromaquia, reclamou hoxe a eliminación da Festa do Boi que organiza o concello de Allariz polo "sufrimento emocional" do animal, desde que se realiza o seu transporte ata que se lle coloca a soga, segundo recolle a plataforma Galicia, Mellor Sen Touradas.
Aínda que neste caso os animais non morren, equipasen esta festa á de San Fermín ao considerala como unha "versión autonómica" da que celebra Pamplona.
Nun comunicado, a plataforma deu a coñecer un informe elaborado por este colectivo integrado por uns 400 veterinarios de todo o Estado, no que piden reorientar as actividades festivas e que non se empreguen animais.
Neste senso, propoñen que o municipio ourensán en colaboración coa Deputación de Ourense e a Xunta de Galicia elabore unha programación similar a outras ofertas culturais de localidades da Comunidade.
