En familia, como casi tódolos actos culturais que se ?desenvolven na vila de San Rosendo, as pétreas paredes do instituto celanovés acolleron onte un encontro cheo de música, poesía e creatividade para lembrar a Celso Emilio Ferreiro. O autor de 'Onde o mundo se chama Celanova', foi un nexo de unión no simbólico e emotivo acto 'protagonizado polo alumnado da Baixa Limia e Terras de Celanova de diversas xeracións', enfatizaba o escritor e profesor Xoán Carlos Domínguez.
A espectacular biblioteca do centro enchéuse de sons e palabras nas interpretacións dos versos de Celso Emilio e tamén do audiovisual sobre o patrimonio literario da comarca.'Esta é unha xornada de portas abertas para compartir espazo e tempo ca xente que non pertence á comunidade educativa', recoñecía a responsable da biblioteca, Isidora Gil, encargada de presentar o novo logotipo do instituto que, dende o ano pasado, leva o nome de 'IES Celanova Celso Emilio Ferreiro'. Precisamente un exalumno, hoxe adicado ó ensino e tamén ó oficio da escritura, Baldo Ramos, é o autor da nova imaxe, un anagrama do nome de Celso Emilio que xa protagonizara a portada do monográfico do colectivo Arraianos dedicado ao autor de 'Longa noite de pedra'.
Un dos momentos máis especiais foi a presentación e a entrega ao centro do facsímil 'L.F. Á Leopolda Ferreiro dos presos de Celanova'. Unha publicación de carácter privado da familia que, tal e como lembrou Luis Ferreiro, 'é un fardel aventureiro que sobreviviu a cambios de domicilio, arquivos, viaxes e tamén guerras, que pretende ser unha homenaxe aos homes víctimas daquela dictadura e tamén á labor das mulleres bravas galegas' como foi Leopolda Ferreiro Míguez, a quen 544 presos que estiveron en Celanova lle dedicaron este documento pola súa axuda. O profesor da Universidade de Vigo Xosé Manuel Cid relatou algunhas das esceas máis bonitas que aconteceron neste negro capítulo da historia recente do Mosteiro celanovés e destacou que o fascismo non conseguiu acabar con ideas e valores universais como a solidaridade, a paz ou a amizade.
Un dos momentos máis especiais foi a presentación e a entrega ao centro do facsímil 'L.F. Á Leopolda Ferreiro dos presos de Celanova'. Unha publicación de carácter privado da familia que, tal e como lembrou Luis Ferreiro, 'é un fardel aventureiro que sobreviviu a cambios de domicilio, arquivos, viaxes e tamén guerras, que pretende ser unha homenaxe aos homes víctimas daquela dictadura e tamén á labor das mulleres bravas galegas' como foi Leopolda Ferreiro Míguez, a quen 544 presos que estiveron en Celanova lle dedicaron este documento pola súa axuda. O profesor da Universidade de Vigo Xosé Manuel Cid relatou algunhas das esceas máis bonitas que aconteceron neste negro capítulo da historia recente do Mosteiro celanovés e destacou que o fascismo non conseguiu acabar con ideas e valores universais como a solidaridade, a paz ou a amizade.