Nun comunicado subscrito por catro agrupacións e 13 confrarías defende o 'logro' que supuxo poder cotizar dende os anos 90
Catro asociacións profesionais de mariscadoras e 13 confrarías de toda Galicia asinan un comunicado no que reivindican ter 'voz propia' en contra das manifestacións realizadas polo sindicato Agamar (Asociación Galega de Mariscadoras e Mariscadores), que, denuncian, 'opina en nome de todas'. 'Temos voz propia e está claro que Agamar non nos representa a todas', incide o manifesto.
En relación coa polémica xurdida entre a Consellería do Mar, os partidos da oposición, a citada organización e outras como a CIG -pola supresión do subsidio de 557 euros a traballadoras maiores de 65 anos sen dereito a unha pensión por xubilación-, as mariscadoras a pé defenden a súa 'loita dende os anos 90 para facer do marisqueo unha profesión'. 'Un dos maiores logros', apuntan, foi poder darse de alta na Seguridade Social, 'feito que tanto se cuestiona estes días'.
'Para conseguilo, tivemos que loitar no seu momento porque había algunha asociación que, con moi pouca visión de futuro, non estaba de acordo coa cotización obrigatoria ao ISM (Instituto Social da Mariña)', inciden. 'Este feito', non obstante, foi 'fundamental' para alcanzar a profesionalización.
Por iso, aseguran non se sentir 'discriminada pola consellería, como din na prensa, porque se retiren as axudas ás persoas que non tiñan cotizados 15 anos'. 'Xa que no seu momento -argumentan- apoiamos que todas as compañeiras se desen de alta no ISM como medida para profesionalizar o sector'.
'Tampouco nos sentimos discriminadas porque se renoven os permisos de explotación cada ano, xa que é algo que pedimos nos encontros de mariscadoras', aseguran.
Por último, o comunicado conclúe indicando que 'quen queira saber' o que opinan as mariscadoras 'pregunte as presidentas das agrupacións e asociacións e as patroas maiores'. 'Que si son mariscadoras e nos representan', remacha.
AGRUPACIÓNS E CONFRARÍAS
A nota, remitida aos medios de comunicación este mércores, indica a subscrición do texto por parte das presidentas das agrupacións de San Cosme de Barreiros (Lugo), de Fonte de Santa Helena de Baldaio e do Río Anllóns (A Coruña) e de Santa Lucía de Moaña (Pontevedra).
Por parte dos pósitos, apúntase o respaldo dos patróns maiores de Ribadeo e O Vicedo (Lugo), Pontedeume, Barallobre, Mugardos, Miño, Cabo de Cruz e Muros (A Coruña), Vilanova, Cambados, Raxó, Moaña e Redondela (Pontevedra).
En relación coa polémica xurdida entre a Consellería do Mar, os partidos da oposición, a citada organización e outras como a CIG -pola supresión do subsidio de 557 euros a traballadoras maiores de 65 anos sen dereito a unha pensión por xubilación-, as mariscadoras a pé defenden a súa 'loita dende os anos 90 para facer do marisqueo unha profesión'. 'Un dos maiores logros', apuntan, foi poder darse de alta na Seguridade Social, 'feito que tanto se cuestiona estes días'.
'Para conseguilo, tivemos que loitar no seu momento porque había algunha asociación que, con moi pouca visión de futuro, non estaba de acordo coa cotización obrigatoria ao ISM (Instituto Social da Mariña)', inciden. 'Este feito', non obstante, foi 'fundamental' para alcanzar a profesionalización.
Por iso, aseguran non se sentir 'discriminada pola consellería, como din na prensa, porque se retiren as axudas ás persoas que non tiñan cotizados 15 anos'. 'Xa que no seu momento -argumentan- apoiamos que todas as compañeiras se desen de alta no ISM como medida para profesionalizar o sector'.
'Tampouco nos sentimos discriminadas porque se renoven os permisos de explotación cada ano, xa que é algo que pedimos nos encontros de mariscadoras', aseguran.
Por último, o comunicado conclúe indicando que 'quen queira saber' o que opinan as mariscadoras 'pregunte as presidentas das agrupacións e asociacións e as patroas maiores'. 'Que si son mariscadoras e nos representan', remacha.
AGRUPACIÓNS E CONFRARÍAS
A nota, remitida aos medios de comunicación este mércores, indica a subscrición do texto por parte das presidentas das agrupacións de San Cosme de Barreiros (Lugo), de Fonte de Santa Helena de Baldaio e do Río Anllóns (A Coruña) e de Santa Lucía de Moaña (Pontevedra).
Por parte dos pósitos, apúntase o respaldo dos patróns maiores de Ribadeo e O Vicedo (Lugo), Pontedeume, Barallobre, Mugardos, Miño, Cabo de Cruz e Muros (A Coruña), Vilanova, Cambados, Raxó, Moaña e Redondela (Pontevedra).
