A Alternativa Galega de Esquerda (AGE) presentou unha serie de iniciativas no Parlamento de Galicia sobre o que considera discriminación por parte da Xunta por entender que impide o acceso de persoas con VIH a un ciclo formativo de peiteado nun centro de Ferrol.
Para a AGE, esta situación é contraditoria co documento editado pola Consellería de Sanidade titulado 'A infección por VIH e a SIDA, previr é posible, de nós depende', en que 'deixa claro que o VIH non se transmite por compartir lugar de traballo, compartir un espazo, asistir a unha mesma clase ou escola'.
Tamén lembra que a terceira directriz da ONU sobre VIH/SIDA e dereitos humanos demanda que sexa analizada e reformada a lexislación sanitaria de maneira que se eviten aplicacións indebidas no que afecta a esta doenza que conculquen os dereitos das persoas.
Finalmente, insiste en que o propio ordenamento legal español considera discriminatoria a privación de acceso a servizos por padecer unha doenza infecciosa sen ter en conta as vías de transmisión.
Tamén lembra que a terceira directriz da ONU sobre VIH/SIDA e dereitos humanos demanda que sexa analizada e reformada a lexislación sanitaria de maneira que se eviten aplicacións indebidas no que afecta a esta doenza que conculquen os dereitos das persoas.
Finalmente, insiste en que o propio ordenamento legal español considera discriminatoria a privación de acceso a servizos por padecer unha doenza infecciosa sen ter en conta as vías de transmisión.
