Aseguran que "desbotar" o proxecto "é unha burla á cidadanía do lugar, unha fraude a Galicia e un malgasto de diñeiro público"
O Bloque Nacionalista Galego denunciou este venres a paralización do proxecto da Plisan, localizado entre os concellos das Neves e Salvaterra (Pontevedra) e anuncia iniciativas para que se poida poñer en marcha a urbanización desta zona loxística.
Segundo comunicou o voceiro do BNG nas Neves, Xosé Manuel Rodríguez Méndez, o desencadenante destas medidas foi o anuncio da Autoridade Portuaria e a Zona Franca --promotores de Plisan-- sobre a creación dunha nova área loxística de 120.000 metros cadrados en O Porriño ou Mos.
Así, entenden que, ao apostar pola nova zona industrial, se "desbota" o proxecto das Neves e Salvaterra "sen dicilo". "É a gota que enche o vaso", sentenciou o nacionalista, que recordou que o proxecto de Plisan, que conta con 4,2 millóns de metros cadrados de terreos "inhóspitos", naceu hai 13 anos.
Ademais, recriminou que isto se faga "tras unha importante inversión de diñeiro público". "É unha burla á cidadanía do lugar, unha fraude a Galicia, e un malgasto de diñeiro público, non se pode tirar co diñeiro de todos de forma irresponsable", censurou.
Rodríguez fixo fincapé, así mesmo, en que os terreos de Plisan son desérticos e áridos e non serven para o seu aproveitamento agrícola ou forestal, polo que, se quedase como está sería "unha perdida irreparable" e unha "burla" dos afectados polos terreos expropiados.
Neste sentido, recordou que o obxectivo principal é que este proxecto se poña en marcha e permita a creación de emprego e o asentamento de persoas novas, co consecuente rexuvenecemento da poboación das dúas localidades pontevedresas. "Necesítase un estímulo, ofrecer alternativas, e por iso queremos seguir apostando pola Plisan, concluíu Rodríguez.
INICIATIVAS
Por todo iso, a deputada no Parlamento galego Carme Adán, anunciou que o próximo luns presentará unha iniciativa parlamentaria e unha pregunta para debater en pleno sobre a utilidade que se lle vai dar a esta zona industria. Ademais, presentaranse medidas noutras administracións, como os concellos de Salvaterra e As Neves, onde, reclamaron, "non se obtivo resposta".
"Necesítase liderado e vontade dos rexedores para que esta instalación, que podería chegar a paliar perdida emprego e de poboación destes concello" chegue a
