O secretario xeral do PSdeG, Manuel Vázquez, considerou onte que é 'unha vergoña' que os políticos galegos non exerzan o seu dereito a utilizar a lingua propia no Senado. Esta reacción prodúcese tras a negativa das senadoras galegas do PP a utilizar o seu idioma na Cámara alta e de que o presidente da Xunta, Alberto Núñez Feijóo, defendese reservar esta lingua para determinadas sesións plenarias e opinase que o seu uso cotián é 'un exceso económico e político'.
En declaracións aos medios nos corredores da Cámara, o dirixente socialista criticou que 'ao presidente dunha comunidade histórica lle pareza mal' a utilización da lingua propia na Cámara de representación territorial.
Así, incidiu en que 'Feijóo e o PP se están a converter nos principais inimigos da lingua e dos sinais de identidade de Galicia'. 'Non pode ser que teñamos que pasar pola vergoña de que non se fale o galego cando se nos dá ese dereito', sentenciou. Fiou esta cuestión co 'ataque' que o PP está a facer á Constitución coas súas críticas ao Estado das autonomías.
Así, incidiu en que 'Feijóo e o PP se están a converter nos principais inimigos da lingua e dos sinais de identidade de Galicia'. 'Non pode ser que teñamos que pasar pola vergoña de que non se fale o galego cando se nos dá ese dereito', sentenciou. Fiou esta cuestión co 'ataque' que o PP está a facer á Constitución coas súas críticas ao Estado das autonomías.
